FVV Seysmoprognostik monitoring Respublika markazining ma'lumotiga ko‘ra 16 aprel kuni Toshkent vaqti bilan soat 17:18da O‘zbekiston Respublikasi hududida yer silkinishi qayd etildi. Zilzila markazi Toshkent shahridan 196 km uzoqlikda janubiy-g‘arbiy yo‘nalishda Jizzax viloyati hududida qayd etilgan. Bu haqda FVV axborot xizmati xabar bermoqda.
Zilzila magnitudasi markazda 3,5 ni tashkil etdi. Zilzila kuchi Samarqandda 2 ball, Jizzaxda 3 ballni tashkil etdi.
O‘zbekistonning boshqa hududlarida yer silkinishi qayd etilmagan. Talafotlar va jabrlanganlar to‘g‘risida ma'lumot kelib tushmadi.
