AQSh va KXDR oliy darajadagi muzokaralarni boshlagan

AQSh prezidenti Donald Tramp ma'lum qildiki, Shimoliy Koreya bilan muzokaralar boshlangan. Bu haqda Reuters agentligi xabar tarqatdi.

«Bizda juda oliy darajadagi to‘g‘ridan-to‘g‘ri muzokaralar o‘tkazildi», — degan Tramp Yaponiya bosh vaziri Sindzo Abe bilan uchrashuv vaqtida.

U AQSh kelgusida qanday yo‘l tutishni ko‘rib chiqishi, ikki tomonlama uchrashuvlar yoki uchrashuvlar o‘tkazish bo‘yicha kelishuvlar emas, yakuniy natijalar muhimligini ta'kidlab o‘tgan.

Bundan avvalroq Tramp Shimoliy Koreya rahbari Kim Chen In bilan uchrashishi mumkin bo‘lgan 5 joyni sanab o‘tgan, ammo u qaysi shaharlarni nazarda tutayotganiga oydinlik kiritmagandi.

Shuningdek, avvalroq amerikaliklar prezidenti Kim Chen In bilan uchrashuvi «ajoyib» bo‘lishiga ishonch bildirgandi.