02:20 / 18.04.2018
20394

«Barselona» g‘alabani qo‘ldan chiqardi

Ispaniya chempionatining 33-turida «Selta» «Barselona»ni qabul qildi. «Balaidos» stadionida kechgan uchrashuvda g‘olib aniqlanmadi - 2:2.

Aralash tarkib bilan harakatlangan kataloniyaliklar (yarimhimoyachilar Andres Inesta va Serxio Buskets, shuningdek, himoyachi Jyerar Pike bahsni o‘tkazib yubordi, Messi zaxiradan o‘yinga qo‘shildi) o‘yin davomida ikki marta hisobda oldinda borishdi, ammo mezbonlar ikki safar ham hisobni tenglashtirishga erishishdi. Kataloniyaliklar jamoasida Usmon Dembele va Pako Alkaser bittadan gol urishdi, «Selta»ning gollariga Xonni va Yago Aspas mualliflik qildi. 71-daqiqadan «Barselona» bir kishi kam bo‘lib harakat qildi, Serxi Roberto qizil kartochka olib maydonni tark etdi.

«Barselona» bu natijadan keyin 83 ochko bilan peshqadamlikni davom ettirmoqda, «Selta» 44 ochkosi bilan turnir jadvalining sakkizinchi o‘rnida joylashgan.

Tur doirasidagi yana bir uchrashuv «Deportivo» va «Sevilya» o‘rtasida kechib, La-Korunyadagi «Riasor» stadionidagi bahsda hisob ochilmay qoldi - 0:0.

Shu tariqa, «Sevilya» g‘alabasiz seriyasini 6 o‘yinga yetkazdi.

«Deportivo» 27 ochko bilan 18-o‘rinda qolmoqda, «Sevilya» 48 ochko bilan oltinchi o‘rinda.

Ispaniya chempionati
33-tur

Selta – Barselona 2:2 (1:1, 1:1)
Gollar: 0:1 – 36 Dembele, 1:1 – 45 Kastro, 1:2 – 64 Pako Alkaser, 2:2 – 82 Aspas.
Selta – Alvares, Gomes, Ronkalya, Kastro, Brais Mendes (Boyye, 83), Vass, Lobotka, Xosabed (Radoya, 73), Sisto (Mor, 79), Maksi Gomes, Aspas.
Barselona – ter Stegen, Mina, Din, Nelson Semedu, Vermalen, Denis Suares, Paulino, Koutino (Messi, 60), Andre Gomesh (Serji Roberto, 60), Dembele (Aleish Vidal, 78), Pako Alkaser.
Ogohlantirishlar: Aspas (56), Vass (78), Kastro (88).
Chetlatish: Serji Roberto (71).

Deportivo – Sevilya 0:0 (0:0, 0:0)
Deportivo – Martines, Xuanfran, Albentosa, Sher, Luizinyu, Gilerme (Bakkali, 80), Borxes, Moskera (Valverde, 83), Kron-Deli (Cholak, 36), Peres, Adrian.
Sevilya – Soriya, Navas, Merkado, Karrisu, Layyun, Pisarro, Gays, Sandro Ramires (Muriel, 76), Banega, Korrea (Sarabiya, 57), Fernandes (Nolito, 68).
Ogohlantirishlar: Banega (11), Layyun (74).

Vilyarreal – Leganes 2:1 (1:0, 1:1)
Gollar: 1:0 – 42 Ruis, 2:0 – 55 Bakka, 2:1 – 82 Brashanats.
Vilyarreal – Asenxo, Alvaro Gonsales, Rukavina, Mario Gaspar, Ruis, Rodri Ernandes, Trigeros, Cheryshev (Sansone, 68), Kastilexo, Raba (Martines, 80), Bakka (Xavi Fuego, 88).
Leganes – Kuelyar, Munos, Raul Garsiya, Tito, dos Santos, Peres (Gerrero, 54), Gumbau, Pires (Eraso, 62), Brashanats, Naranxo (Arribas, 68), Bovyu.
Ogohlantirishlar: Pires (32), Trigeros (39).

Top