«Yaqin haftalar ichida». Tramp Kim Chen In bo‘yicha bayonot berdi

AQSh prezidenti Donald Trampning ma'lum qilishicha, KXDR yetakchisi Kim Chen In bilan «yaqin haftalar ichida» uchrashishni rejalashtirmoqda. Bu haqda Reuters xabar berdi.

«Men yaqin haftalar ichida Kim Chen In bilan uchrashib, Koreya yarim orolini yadroviy qurolsizlantirish masalasini muhokama qilaman. Umid qilamanki, bu uchrashuv muvaffaqiyatli bo‘ladi hamda biz uni kutmoqdamiz», - deya aytib o‘tdi Tramp.

Eslatib o‘tamiz, avvalroq Oq uy matbuot kotibi Sara Sanders AQSh prezidenti Donald Tramp va KXDR yetakchisi Kim Chen In shaxsan gaplashmaganini ma'lum qilgandi. «Yetakchi Kim Chen In bilan muzokaralarga keladigan bo‘lsak: prezident ma'muriyat oliy darajada muzokaralar o‘tkazganini aytdi va ular u bilan to‘g‘ridan to‘g‘ri bo‘lmaganini qo‘shimcha qilib o‘tdi», - deya aytib o‘tgan Sanders.