AQSh Koreya yarim orolidagi qo‘shinlarini olib chiqib ketishi mumkin 

Pentagon rahbari Jyeyms Mettisning ma'lum qilishicha, AQSh ittifoqchilar va Shimoliy Koreya bilan Koreya yarim orolidan o‘z qo‘shinlarini olib chiqib ketish masalasini muhokama qilishga tayyor. Bu haqda RIA «Novosti» xabar bermoqda.

«Bu ittifoqchilarimiz bilan muzokaralar davomida biz muhokama qiladigan masalalarning bir qismi bo‘ladi. Bu narsa, birinchi navbatda, Shimoliy Koreya bilan amalga oshiriladi», - deya aytib o‘tdi Mettis.

Uning shuningdek ta'kidlashicha, ayni damda «dastlabki shartlarni taklif qilish yoki bu qanday yuz berishi bo‘yicha turli taxminlar bildirish kerak emas».

Eslatib o‘tamiz, avvalroq KXDR yetakchisi Janubiy Koreya rahbari bilan raketalar mavzusida hazillashgandi.