O‘zbekistonda bo‘lib o‘tgan Qur'on musobaqasining Oliy o‘rin sohibi qoraqalpog‘istonlik Yo‘ldoshbek qori Nuriddinov g‘olib sifatida qo‘lga kiritgan “Jyentra” rusumli avtomashinani o‘z ustoziga sovg‘a qildi.
Ma'lumot o‘rnida: Yo‘ldoshbek qori Nuriddinov mashina bilan birga ota-onasi bilan “Umra” safariga borish imkoniyatini ham qo‘lga kiritgan edi.
Imom Buxoriy nomidagi Toshkent Islom instituti talabasi Yo‘ldoshbek qori musobaqada hifz yo‘nalishi bo‘yicha qatnashgan.
