OAV Tramp va Kim Chen In qayerda uchrashishi mumkinligini ma'lum qildi

AQSh prezidenti Donald Tramp va Shimoliy Koreya yetakchisi Kim Chen In Mo‘g‘ulistonda uchrashuv o‘tkazishi mumkin. Bu haqda «Izvestiya» o‘z manbalariga asosan yozmoqda.

Nashr ma'lumotlariga ko‘ra, uchrashuv Mo‘g‘ulistonning ham AQSh, ham Shimoliy Koreya bilan do‘stona munosabatlari tufayli Ulan-Batorda bo‘lib o‘tishi mumkin.

Shu bilan birga, har ikki tomon bilan munosabatlarni bir xilda ushlab turgan yana bir davlat Singapur sanaladi. Ushbu mamlakat ham ikki yetakchi uchrashuv o‘tkazishi mumkin bo‘lgan ehtimoliy joylar «short list»iga kiradi.

Eslatib o‘tamiz, avvalroq Janubiy Koreyaga tashrif vaqtida Kim Chen In avtomobiliga 12 nafar yugurayotgan qo‘riqchi hamrohlik qilgani xabar berilgandi.