18:22 / 09.05.2018
12272

Messi diskvalifikatsiya qilinmaydi

Ispaniya chempionati hakamlar korpusi qabul qilgan qarorga ko‘ra, «Barselona» futbolchisi Lionel Messi 36-tur doirasida «Real»ga qarshi kechgan o‘yin vaqtida o‘yin bosh hakamini haqoratlamagan. Bu haqda Cuatro xabar tarqatgan.

O‘yindan keyin madridliklar klubi futbolchilari Lionel Messi o‘yin hakami Alexandro Ernandes-Ernandesga bosim o‘tkazgani haqida aytishgandi.

Birinchi bo‘lim oxirida klasikoda hakamlik qilgan Alexandro «Barselona» himoyachisi Serxi Robertoni maydondan chetlatgan, «Real» futbolchisi Garet Beylga o‘ta qo‘pol harakati uchun kartochka ko‘rsatmagandi. Tanaffusdan keyin esa u kataloniyaliklar jamoasi foydasiga qarorlar qabul qila boshladi.

Hakamlar korpusi o‘yin protokolida Messi yoki «Barselona»ning boshqa bir futbolchisi hakamni haqoratlagani haqida yozuv yo‘qligiga asoslangan holda qaror qabul qilgan. Qayd etilishicha, aks holda jiddiy jazo qabul qilingan bo‘lardi.

Mavzuga oid
Top