«PSJ» Neymarning narxini belgiladi

«PSJ» klubi hujumchi Neymarning narxini belgiladi, deb yozadi As.

O‘tgan yili yozda parijliklar uni «Barselona»dan 222 million yevroga xarid qilishgandi. Endi esa 260 million yevroga sotishga tayyor.

Ayni paytda futbolchining «Real»ga o‘tishi haqidagi mish-mishlar avj olgan. Mart oyida madridliklar vakillari u bilan uchrashib, transfer haqida gaplashib olishgan. Neymar esa Santyago Bernabeuga ko‘chib o‘tishga rozilik bildirgan.

Joriy mavsumda Neymar «PSJ» tarkibida 30ta o‘yin o‘tkazib, 28ta gol urgan va 16ta golga hammualliflik qilgan.