AQShda xitoylik milliarder 4 yilga qamaldi

Xitoylik milliarder Eng Lep Sen AQShda to‘rt yillik qamoq jazosiga hukm qilindi, bunga uning BMT ikki xodimini pora berib o‘z tomoniga og‘dirib olgani sabab bo‘ldi. Bu haqda Reuters xabar qilmoqda.

Tadbirkor 2015 yilda hibsga olingandi. Prokurorlarning so‘zlariga ko‘ra, u BMTning ikki amaldoriga umumiy hisobda taxminan 1 mln dollar miqdorida pora bergan, bu ular Makaoda konferents-markaz qurilishiga yordam ko‘rsatishi uchun qilingan. Eng Xitoy maxsus tumanini «Osiyo Jyenevasi»ga aylantirmoqchi bo‘lgan, shuningdek, «mashhurlik va boylikka» erishmoqchi bo‘lgani aytilmoqda.

Yakunda konferents-markaz qurilmadi. Prokurorlar milliarder uchun olti yil so‘rashdi, advokatlar tadbirkorni vataniga qaytarish haqida murojaat qilishdi. Manxetten sudi uni to‘rt yillik qamoq jazosiga hukm qildi.