Nukusda sotuvchisi yo‘q, antiqa suv sotish qurilmasi ishga tushdi

Nukus shahrida sotuvchisi yo‘q, tozalangan suv sotish qurilmasi ishga tushdi. Bu haqda Kruz xabar bermoqda. 

Ushbu qurilmaning antiqaligi shundaki, tozalangan suvni do‘konlardagi kabi sotuvchilar sotib o‘tirishmaydi. Pulingiz va suv soladigan idishingiz bo‘lsa bas. Qurilmada yozilishicha, 1 litr tozalangan suv 200 so‘m ekan. 

Faqat qurilma 200 so‘mlik kupyuralarni qabul qilmaydi va qaytim ham qaytarmaydi. Qurilma faqat 500 so‘m, 1000 so‘m va 5000 so‘mlik kupyuralarni qabul qiladi.