Foto: Dubai Media Office
Dubaydagi Dubai Marina tumanida joylashgan osmono‘par binolardan biri olov ichida qoldi.
Dubai Media Office xabariga ko‘ra, yong‘in chiqqan Zen Tower binosida yashovchilar to‘liq evakuatsiya qilingan, halok bo‘lganlar yoki jabrlanganlar yo‘q. Ayni vaqtda o‘t o‘chiruvchilar olov ustidan nazorat o‘rnatishgan.
Qayd etilishicha, yong‘in kuchli qum bo‘ronlari vaqtida yuzaga kelgani uchun uni bartaraf etish murakkablashgan, kuchli shamol va ko‘rish yomonlashuvi o‘t o‘chiruvchilarning ishini og‘irlashtirgan.
Yong‘in sabablari hozircha aniqlanmadi.
