MAK «Umra. Yoz-2018» mavsumini 31 maydan boshlaydi

«O‘zbekiston havo yo‘llari» Milliy aviakompaniyasi 31 maydan Saudiya Arabistoniga ziyoratchilarni tashish bo‘yicha qatnovlarni amalga oshira boshlaydi.

Joriy yilning17 iyuniga qadar davom etadigan ushbu dastur doirasida Toshkent-Jidda-Toshkent yo‘nalishida jami 14ta qatnov amalga bajarilishi rejalashtirilgan. «Kichik haj»ni amalga oshirishni istagan 1546 nafar yurtdoshlarimiz Milliy aviakompaniyaning Boeing 767 samolyotlaridan belgilangan manzilga yetib olishda foydalanadilar.

Qayd etilishicha, ushbu dasturni muvaffaqiyatli amalga oshirish uchun aviakompaniya mutaxassislari ziyoratchilarga qulay shart-sharoit yaratish va yuqori darajadagi servis xizmatlarini ko‘rsatish uchun bor imkoniyatlarini ishga solishadi.