AQShda okean sathi nega ko‘tarilayotgani tushuntirib berildi

Amerikalik kongressmen Mo Bruksning ma'lum qilishicha, jahon okeani sathi unga qoyalar qulayotgani tufayli ko‘tarilib bormoqda. Bu haqda RIA «Novosti» xabar qilgan.

«Tuproq yoki qoya va shunga o‘xshash narsalar dengizga tushsa, bu dengiz sathining ko‘tarilishiga sabab bo‘ladi, chunki suvdagi bo‘shliq kamayib boryapti», - deya aytib o‘tdi Bruks AQSh kongressidagi eshituvlarda.

O‘z navbatida, iqlimshunos olim Filip Daffi kongressmenning taxminini rad etib chiqdi.

Ekspertning fikricha, tuproq eroziyasidan keluvchi effekt inson faoliyati bilan taqqoslaganda juda pastdir. Aynan inson tufayli qutblar atrofidagi muzlar erib bormoqda.

Eslatib o‘tamiz, avvalroq Osiyoda yana kimdir ozon qatlamini buzayotgani xabar qilingandi.