Bugun Angliya Kubogi finalida «Chelsi» bilan «Manchester Yunayted» bellashadi

Bugun «Uembli» stadionida «Chelsi» va «Manchester Yunayted» klublari Angliya Kubogi uchun bahs yuritishadi.

«Aristokratlar» Angliya chempionatini 5-o‘rinda yakunladilar, demak Antonio Konte shogirdlarini 2018/19 mavsumida Chempionlar Ligasida ko‘rmaymiz. «Manchester Yunayted» esa 2-o‘rinni egalladi va Chempionlar Ligasi guruh bosqichiga yo‘l oldi.

Angliya Kubogi joriy mavsumida «ko‘klar» «Norvich»ni penaltilar seriyasida mag‘lub etishdi. Keyin «Nyukasl» (3:0), «Hall» (4:0), «Lester» (2:1) va «Sauthempton»ni (2:0) mag‘lub etishdi. 

«Manchester Yunayted» Angliya Kubogida barcha 5ta o‘yinida g‘alaba qozondi. Raqiblar orasida eng kuchlisi «Tottenhem» edi. Joze Mourino shogirdlari unga qarshi o‘yinda irodali g‘alabaga erishdilar.

«Chelsi» va «Manchester Yunayted» joriy mavsumda ikki marta bir-biri bilan duch keldi. Londonda «ko‘klar» 1:0 hisobida g‘alaba qozonishdi. 
«Old Trafford»da «Manchester Yunayted» 2:1 hisobida yutdi.

Bu jamoalarning so‘nggi 10ta o‘yinida «Chelsi» 5 marta, «Manchester Yunayted» 2 marta g‘alaba qozongan. 3ta o‘yinda durang qayd etilgan.

Taxminiy tarkiblar:
Chelsi: Kurtua, Aspilikueta, Keyhill, Ryudiger, Kante, Fabregas, Mozes, Alonso, Villian, Azar, Morata.
Manchester Yunayted: De Xea, Bayi, Smolling, Djons, Matich, Pogba, Valensiya, Yang, Lingard, Sanches, Lukaku.

Angliya Kubogi finali
19 may, London, «Uembli» stadioni
«Chelsi» –  «Manchester Yunayted»
O‘yinning boshlanish vaqti: 21:15
Hakam: Maykl Oliver (Angliya)