Туркия чемпионатининг сўнгги турида «Галатасарой» сафарда «Гўзтепе» билан беллашиб, 1:0 ҳисобида ғалаба қозонди.
Ягона гол ҳужумчи Гомис томонидан урилди. Натижада, «Галатасарой» 75 очко жамғариб, жадвалда «Фенербахче» ва «Истанбул ББ» клубларини 3 очко ортда қолдириб, чемпионлик унвонини қўлга киритди. Бу «Галатасарой» тарихидаги 21-чемпионликдир.
Мусобақа якунига кўра, «Галатасарой» ва «Фенербахче» Чемпионлар Лигаси, «Истанбул ББ» ва «Бешиктош» Европа Лигаси йўлланмасини қўлга киритишди. «Усмонлиспор», «Генчлербирлиги» ва «Қорабуюкспор» чемпионатни тарк этишди.
