KXDRdagi poligonning yopilishiga janubiy koreyalik jurnalistlar qo‘yilmadilar

Shimoliy Koreyadagi poligonning yopilishiga uchib ketayotgan jurnalistlar samolyot bortida janubiy koreyalik hamkasblarini ko‘rishmagan.

Dastavval Shimoliy Koreyadagi Pxungeri yadroviy poligonining yopilishini 5 ta davlat: Janubiy Koreya, Xitoy, AQSh, Buyuk Britaniya va Rossiya jurnalistlari yoritishlari ko‘zda tutilgan. Biroq Shimoliy Koreya 22 may kuni poligonning demontaj qilinishiga borishi kerak bo‘lgan janubiy koreyalik jurnalistlar ro‘yxatini uchinchi marta qabul qilishdan bosh tortgan.

“Biz oxirgi bo‘lib ro‘yxatdan o‘tdik. O‘ylashimcha, ular ro‘yxatdan o‘ta olmaganlar”, deb aytgan Xitoyning “Sinxua” axborot agentligi vakili. “Men ularni ko‘rmayapman. Ko‘rinishicha, ular Pekinda qolganlar”, deb aytgan boshqa muxbir. 

Poligonning yopilishiga jurnalistlarni olib ketgan samolyot yagona reys bo‘lgan. Umumiy hisobda samolyotda 20 ga yaqin jurnalist bo‘lgan.

Shimoliy Koreya yadroviy poligonni 23-25 may kunlari yopishni rejalashtirgan. Poligonga kirish va uning atrofidagi barcha obektlarni to‘liq yo‘q qilish ko‘zda tutilgan.