Vetnamda tabiatda kam uchrovchi va antiqa hodisa – ilon va ulkan skolopendraning (mingoyoq) olishuvi videoga qayd qilindi. 3 daqiqalik video LiveLeak portalida joylashtirilgan.
Videodan ko‘rinishicha, ikki jonzot orasidagi olishuv ayovsiz kechgan. Unda jonzotlar bir-birlari atrofida chirmashib olib, raqibiga iloji boricha ko‘proq shikast yetkazishga harakat qilayotganining guvohi bo‘lish mumkin. Oxir-oqibat mingoyoq ilonni bo‘ynidan bo‘g‘izlab, uni mag‘lub etgan.
Foydalanuvchilardan biri ushbu rolikni “tungi dahshatlardagi tomosha” deb atagan. “Bu videoni ko‘rib, birinchi marta ilonga rahmim keldi”, deb tan olgan yana bir foydalanuvchi.
