Rossiya prezidenti Vladimir Putin joriy prezidentlik muddati yakunlangandan keyin o‘z lavozimidan ketishini tasdiqladi. Unga bu haqdagi tegishli savol Peterburgdagi iqtisodiy forum doirasida berilgan. Putin bunga javoban avvalgidek konstitutsiyaga to‘liq rioya qilishga va'da bergan.
“Konstitutsiyada “qatorasiga ikki martadan ko‘p emas”, deb yozilgan. Mana hozir men ikkinchi muddatni o‘tayapman”, deb aytgan Putin xalqaro axborot agentligi rahbarlari bilan uchrashuvda.
U faoliyati davomida ikki marta prezident bo‘lganini, biroq keyin bu lavozimni tark etganini, chunki konstitutsiya unga 3-muddatga saylanishga ijozat bermaganini eslatib o‘tgan.
Avvalroq Putindan uning 2030 yildagi prezidentlik saylovlarida ishtirok etishi haqidagi so‘ralgan.
“Keling hisoblab chiqamiz, men nima bu lavozimda 100 yoshgacha o‘tiramanmi? Yo‘q”, deb javob qilgan Putin.
2030 yilda Vladimir Putin 77 yoshga to‘ladi.
