09:30 / 27.05.2018
5090
Албанлар бош вазир истеъфосини талаб қилишмоқда
Фото: Politeka

Албания мухолифатининг минглаб тарафдорлари мамлакат бош вазири Эди Рамага қарши намойишлар ўтказиш учун пойтахт Тирана кўчаларига чиқишди.

ABC хабарига кўра, намойишчилар ҳукумат раҳбарининг истеъфосини талаб қилишмоқда. Уларнинг фикрича, Эди Рама уюшган жиноятчиликка алоқадор.

Хабар қилинишича, полиция билан тўқнашувлар рўй берган: намойишчилар ҳуқуқ-тартибот органлари ходимлари томон тошлар ва бутилкалар улоқтиришган, ҳукумат биноларини штурмдан ҳимоя қилаётган 11 нафар полициячи турли даражада жароҳатлар олишган.

Фото: Эди Рама / ТАСС
Top