Bugun Kolumbiyada prezident saylovlari bo‘lib o‘tadi

27 may kuni Kolumbiya fuqarolari yaqin 4 yilga yangi prezidentni saylashadi.   

Mamlakat milliy saylov kengashi ma'lumotlarga ko‘ra, saylovlarda 36,2 mln kishi ishtirok etish huquqiga ega. Aynan ular bu lavozimga da'vogarlik qilayotgan 6 nomzoddan birini tanlashadi

Tahlilchilarning fikricha, saylovlarning 1-bosqichida g‘alaba uchun zarur bo‘lgan 50 foiz + 1 ta ovozga hech qaysi bir nomzod erisha olmasligi ehtimoli katta. Bu esa yangi prezidentning nomi 17 iyunda 2-bosqich bo‘lib o‘tgandan keyin ma'lum bo‘lishini anglatadi.

Prezident lavozimiga o‘ng kuchlar vakili Ivan Duke, poytaxt Bogotaning sobiq meri Gustavo Petro, Kolumbiya liberal partiyasidan Umberto de la Kale, “Kolumbiya” koalitsiyasidan Serxio Faxardo, mamlakatning sobiq prezident o‘rinbosari Xerman Vargas Leras va sobiq senator, nasroniy pastor Antonio Truxilo da'vogarlik qilmoqda.

Saylovlarda Kolumbiya inqilobiy qurollangan kuchlari nomzodi Rodrigo Londono Echeverri ham ishtirok etmoqchi bo‘lgan, biroq infarktga uchragandan keyin saylovlardan o‘z nomzodini olgan.