6-sinf o‘quvchisi pnevmatik to‘pponchadan 1-sinf o‘quvchisiga jarohat yetkazdi

26 may kuni Toshkent tumanida ko‘ngilsiz voqea yuz berdi, deb xabar qilmoqda O‘zbekiston Respublikasi IIV jamoatchilik va ommaviy axborot vositalari bilan aloqalar boshqarmasi.

Qayd etilishicha, shu tumanda yashovchi, o‘rta maktabning 6-sinf o‘quvchisi, J.R. uyida otasi J.M.ga tegishli pnevmatik to‘pponchasini o‘ynab, to‘pponcha tepkisini bosgan vaqtida o‘q otilib shu uyda mehmonda bo‘lgan, o‘rta maktabning 1-sinf o‘quvchisi S.R.ni chap qo‘l tirsak qismiga tekkan. 

Natijada S.R. jarohat olib kasalxonaga yotqizilgan.