Belarus prezidenti yordamchisi pora bilan ushlandi

Belarusda Davlat xavfsizlik qo‘mitasi mamlakat prezidentining yordamchisi - Grodnen oblasti bo‘yicha inspektor Sergey Rovneykoni pora bilan qo‘lga oldi. Bu haqda «BelTA» mahkama ma'lumotlariga asosan xabar bermoqda.

Ta'kidlanishicha, tezkor bo‘linmalar xodimlari Rovneykoga taxminan bir yil muqaddam e'tibor qaratishgan. Bunga u bir necha marotaba pora olgani haqida xabarlar kelib tushgani sabab bo‘lgani aytiladi.

«Davlat rahbarining topshirig‘iga ko‘ra o‘tkazilgan tezkor-qidiruv tadbirlari natijasida Rovneyko Sergey Vasilevich 200 ming dollar miqdorida pora olayotganida ashyoviy dalil bilan ushlandi», - deyiladi xabarda.