“Bir hadis sharhi” dasturining bugungi mehmoni poytaxtdagi “Hazrat Ali” jome masjidi imom xatibi Salohiddin Sharipov. U kishi Payg‘ambarimiz (s.a.v) hayotlarida yuz bergan va butun Islom ummati uchun ilm manbaiga aylangan voqea haqida so‘z yuritadilar.
YouTube'da tomosha qilish
Tas-IX'da tomosha qilish
Hazrati Umar (r.a)dan rivoyat qilinadi. U kishi aytadilar: “Biz bir kuni Rasulullohning (s.a.v) huzurlarida o‘tirgan edik. Bir payt bizlarning oldimizga bir kishi kirib keldi. Kiyimlari oppoq, top-toza, safar qilib kelgan odamning kiyimiga o‘xshamaydi. Sochlari qop-qora. U kishida safarning asari ko‘rinmas edi. U kishini bizlardan biror kishi tanimadi. U kishi kelib payg‘ambarimizning oldilariga o‘tirdilar, tizzalarini Rasulullohning (s.a.v) tizzalariga tekkazdilar. Ikki kaftlarini sonlariga qo‘ydilar. Va aytdilar: “Ey Muhammad, menga Islomdan xabar bering”. Payg‘ambarimiz alayhissalom dedilar: “Islom – Allohdan o‘zga iloh yo‘qligiga va Muhammad uning rasuli ekanligiga shahodat keltirishing. Namoz o‘qishing, zakot berishing, Ramazonning ro‘zasini tutishing va yo‘lga qurbing yetsa Baytullohni haj qilishing”, dedilar. U kishi: “To‘g‘ri aytdingiz”, deb tasdiqlab qo‘ydi.
Hazrat Umar aytadilarki: “Biz u kishidan ajablandik, o‘zi so‘rayapti-da, javobini o‘zi tasdiqlab qo‘yyapti”. Va u kishi yana payg‘ambarimizdan so‘radilar: “Menga iymondan xabar bering”. Payg‘ambarimiz dedilar: “Iymon – Alloh taologa, maloikalariga, kitoblariga, payg‘ambarlariga, oxirat kuniga va taqdirning yaxshi va yomonligi Allohdan ekanligiga iymon keltirishingizdir”. U kishi yana “To‘g‘ri aytdingiz”, dedilar.
U kishi yana so‘radilar: “Ehsondan menga xabar bering”. Payg‘ambarimiz javob berdilar: “Ehson – Alloh taologa uni ko‘rib turganingizdek ibodat qilishingizdir. Agar siz uni ko‘rmayotgan bo‘lsangiz, u sizni ko‘rib turibdi”, dedilar.
Sharh:
