“O‘zagrokimyohimoya” aksiyadorlik jamiyati boshqaruviga yangi rais tasdiqlandi. Bu haqda Kun.uz axborot manbasi xabar berdi.
Qayd etilishicha, Olim Botirovich Isayev “O‘zagrokimyohimoya” aksiyadorlik jamiyati boshqaruvining raisi etib tasdiqlangan. Ulug‘bek Abdumutalovich Oxunov bu lavozimdan ozod qilingan.
O‘zbekiston bosh vaziri Abdulla Aripov 2018 yilning 29 may kuni bu haqdagi tegishli qarorni imzoladi.
Ma'lumot uchun, “O‘zagrokimyohimoya” AJ qishloq xo‘jaligini mineral o‘g‘itlar, o‘simliklarni kimyoviy va biologik himoya qilish vositalari bilan ta'minlash, chigirtka, zararkunandalar, o‘simliklar kasalliklari va yovvoyi o‘tlarga qarshi kurashish bo‘yicha yagona texnik va texnologik siyosatni olib borish bilan shug‘ullanadi.
