Fergyuson shifoxonadan chiqdi

«Manchester Yunayted»ning sobiq bosh murabbiyi Aleks Fergyuson shifoxonadan chiqdi va uyida davolanadi, deb xabar beradi The Sun.

5 may kuni shotlandiyalik mutaxassis miyasiga qon quyilganidan so‘ng, jarrohlik amaliyotidan o‘tgan edi. Uch kun o‘tgach, Fergyuson koma holatidan chiqdi va qarindoshlari, do‘stlari bilan muloqot qildi. 9 may kuni jonlantirish bo‘limini tark etib, statsionar davolanishga o‘tgan edi.

Xabarga ko‘ra, Fergyuson kelasi mavsumdan «Manchester Yunayted» uy o‘yinlariga tashrif buyuradi. Shuningdek JCh-2018 o‘yinlarini ham tomosha qiladi.