2017-2018 Global raqobatbardoshlik indeksi versiyasiga ko‘ra dunyodagi eng yomon va yaxshi yo‘llarga ega davlatlar ro‘yxati tuzildi. Bu haqda RIA Novosti xabar bermoqda.
Ro‘yxatdan jahondagi 137 davlat o‘rin oldi. Yo‘llar sifatida birdan yettigacha bo‘lgan shkalada baholandi, shu bilan birga, bironta davlat ham eng yuqori ballni olmagan. O‘zbekiston bu reytingda umuman yo‘q.
Eng yomon yo‘llar Mavritaniyada ekan, ushbu davlat ikki ball oldi. Undan keyingi o‘rinlarni Kongo Demokratik Respublikasi va Gaiti egalladi, ular 2,1 ball to‘plagan. To‘rtinchi va beshinchi o‘rin Madagaskar hamda Gvineyada (2,2 ball). Keyin Yaman (2,3 ball), Paragvay (2,4 ball), Ukraina (2,4 ball), Mozambik (2,5 ball) va Moldova (2,5 ball) boryapti.
Reytingda eng yaxshilar sifatida Birlashgan Arab Amirliklari (6,4 ball), Singapur (6,3 ball), Shveytsariya (6,3 ball), Gonkong (6,2 ball), Niderlandiya (6,1 ball), Yaponiya (6,1 ball), Fransiya (6 ball), Portugaliya (6 ball), Avstriya (6 ball) va AQSh (5,7 ball) tan olindi.
