IIV Akademiyasining qator binolarini qurib beradigan bosh pudratchi belgilandi

O‘zbekiston Respublikasi Vazirlar Mahkamasining farmoyishi bilan 2017-2019 yillarda O‘zbekiston Respublikasi Ichki ishlar vazirligi Akademiyasining moddiy-texnika bazasini mustahkamlash va rivojlantirish hamda o‘quv-mashg‘ulot jarayonlari uchun zarur bino va inshootlar qurish va kapital ta'mirlash chora-tadbirlari dasturi tasdiqlanganligi hamda Dastur doirasida bino va inshootlarni qurish va kapital ta'mirlash bo‘yicha “Diapaz” mas'uliyati cheklangan jamiyat bosh pudratchi tashkilot etib belgilanganligi ma'lumot uchun qabul qilindi.

O‘zbekiston Respublikasi Ichki ishlar vazirligining:

Akademiyaning Axborot - resurs markazini qurish bo‘yicha ishlarni bosh pudratchi sifatida “Diapaz” mas'uliyati cheklangan jamiyat tomonidan yakuniga yetkazilishi;

Dastur doirasidagi boshqa bino va inshootlarni qurish va kapital ta'mirlash bo‘yicha qoldiq ish hajmlarini bajarish uchun bosh pudratchi tashkilot etib “Bazis stroy” xususiy korxonasini belgilash to‘g‘risidagi taklifiga rozilik berildi.

O‘zbekiston Respublikasi Ichki ishlar vazirligi Dastur doirasida bino va inshootlarni qurish va kapital ta'mirlash ishlari to‘liq va sifatli yakunlanishini hamda o‘z vaqtida foydalanishga topshirilishini ta'minlaydi.

Ushbu farmoyishning bajarilishini nazorat qilish ichki ishlar vaziri P.R.Bobojonov zimmasiga yuklandi.