12:47 / 09.06.2018
16100

Abramovich Britaniyaning eng boy odamiga «Chelsi»ni sotishdan bosh tortdi

Foto: Getty Images

Rossiyalik tadbirkor va Londonning «Chelsi» klubi egasi Roman Abramovich jamoani Buyuk Britaniyadagi eng boy odam Jim Ratkliffga sotishdan bosh tortdi. 

Daily Mail ma'lumotiga ko‘ra, £21.05 mlrd pulga ega bo‘lgan Ratkliff rossiyalik tadbirkorga «Chelsi»ni sotib olish bo‘yicha taklif bilan chiqqan, biroq darhol rad javobi olgan.

Britaniyalik tadbirkorga yo‘llangan javobda aytilishicha, £9.3 mlrd funtga ega bo‘lga Abramovich 15 yildan beri o‘zi egalik qilib kelayotgan klubni sotishdan manfaatdor emas.

Qo‘shimcha qilib o‘tish joizki, Ratkliff «Manchester Yunayted» ishqibozi sanaladi, ammo, shu bilan birga, «Stemford Brij»ga, stadion o‘z uyi yonida joylashgani tufayli ko‘p tashrif buyuradi.

Eslatib o‘tamiz, avvalroq Bloomberg rossiyalik milliarderlar yangi reytingini e'lon qilgandi.

Top