«Golden Steyt Uorriorz» Milliy basketbol assotsiatsiyasi (MBA) pley-offi final seriyasi to‘rtinchi bahsida «Klivlend Kavalers»ni yirik hisobda taslim etdi va MBA chempioniga aylandi.
Klivlendda bo‘lib o‘tgan bellashuv mehmonlarning 108:85 hisobidagi g‘alabasi bilan yakunlandi. G‘olib jamoa safida Kevin Dyurant tripl-dablni (20 ochko, 12 to‘pni egallab olish, o‘nta to‘p uzatish) rasmiylashtirdi. Eng sermahsul o‘yinchiga esa Stiven Karri aylandi, u 37 ochko jamg‘ardi.
Mezbonlar safida Lebron Jyeyms 23 ochko to‘plashga muvaffaq bo‘ldi.
To‘rt g‘alabaga qadar bo‘lgan seriya «Uorriorz»ning 4-0 hisobidagi g‘alabasi bilan tugadi.
«Golden Steyt» uchun bu so‘nggi to‘rt yildagi uchinchi chempionlik sovrini bo‘ldi.
MBA. Pley-off. Final. 4-o‘yin
«Klivlend Kavalers» (AQSh, Klivlend) — «Golden Steyt Uorriorz» (AQSh, Oklend) — 85:108 (25:34, 27:27, 13:25, 20:22)
Eslatib o‘tamiz, avvalroq Lebron Jyeyms afsonaviy Maykl Jordanning rekordini yangilagan edi.