Kanadada G7 sammiti o‘z faoliyatini boshladi.
"Katta yettilik" mamlakatlari rahbarlari Kvebek provinsiyasining Sharlevua tumanida to‘planishdi.
G7'ning 44-sammitida AQSh, Germaniya, Buyuk Britaniya, Yaponiya, Fransiya, Kanada va Italiya davlatlari rahbarlari ishtirok etishmoqda.
Sammit AQSh prezidenti Donald Tramp va Fransiya davlat rahbari Emmanuel Makron o‘rtasida avval rejalashtirilgan ikki tomonlama uchrashuvning bekor qilinishi bilan boshlandi.
Oq uy vakillarining so‘zlariga ko‘ra, hozirda prezidentlar o‘rtasida kunning boshqa qismida muzokaralar o‘tkazish imkoni ko‘rib chiqilmoqda.
Sammitning kundalik dasturi doirasida Donald Tramp va Kanada bosh vaziri Jastin Tryudolarning qo‘shma matbuot anjumani o‘tkazishi rejalashtirilgan.
Ta'kidlash joizki, guruh uchrashuvlari ko‘tarinki xavfsizlik sharoitlarida bo‘lib o‘tmoqda.
G7 sammiti 9 iyun kuni o‘z nihoyasiga yetadi.
