Tramp va Kim Chen Inning uchrashuviga nega aynan kurort orol tanlangani aytildi

Singapurdagi Sentoza oroli odamlar kam bo‘luvchi bunday joyni nazorat qilish qulayligi sababli AQSh va KXDR sammiti uchun maydoncha sifatida tanlandi. Bu haqda NBC News xavfsizlik bo‘yicha ekspertlarga asosan xabar qilmoqda.

Xususan, uchrashuv Singapur janubiy sohillaridagi hashamatli mehmonxonada bo‘lib o‘tadi. Ta'kidlanishicha, joy «hodisalar maxsus hududi» sifatida belgilangan, bu yerda xavfsizlik choralari misli ko‘rilmagan darajada kuchaytirilgan bo‘ladi.

Shu bilan birga, Floridadagi qo‘riqlash kompaniyasining xavfsizlik bo‘yicha eksperti Tim Bredliga ko‘ra, tashqi va ichki tahdidlar bor, hamda bunday orolda bo‘lgan holatda tashqi tahdidlar ancha kamayadi.

Bundan tashqari, Singapur xavfsiz va ishonchli davlat bo‘lib, neytral hudud hisoblanadi, deya qayd etadi ekspertlar. Bu ushbu joy nega sammitni o‘tkazishga tanlanganiga yana bir sababdir.

«Hukumatda nazorat olib borish va Singapurdagi odamlarni kuzatish bo‘yicha muammolar yo‘q. Mening fikrimcha, bu tabiiy tanlov edi, hamda u har ikki tomonni o‘ziga darhol jalb qildi», - deya aytib o‘tgan Bredli.

Biroq, telekanalning ta'kidlashicha, AQShdagi rasmiy shaxslar sammitdagi Xitoy josusligi bo‘yicha muammodan tashvishda bo‘lib turibdi.

Eslatib o‘tamiz, avvalroq Kim Chen Inning Singapurga qachon kelishi aytilgandi.