«Urushga olib keladi!» - Erdo‘g‘an Avstriya hukumatining masjidlarni yopish va imomlarni chiqarib yuborish qarorini qoraladi

Turkiya prezidenti Rajab Toyyib Erdo‘g‘an Avstriya hukumatining mamlakatda yettita masjidni yopish va o‘nlab imomlarni chiqarib yuborish to‘g‘risidagi qarorni tanqid ostiga oldi.

Bu haqda Deutsche Welle xabar bermoqda.

Aniqlik kiritilishicha, Turkiya yetakchisi bunday harakatlarni «islomga qarshi», deb atagan hamda shu munosabat bilan tegishli choralar ko‘rish niyatida ekanini ma'lum qilgan.

«Avstriya kansleri tomonidan qo‘yilgan bunday qadamlar xoch va yarim oy o‘rtasidagi urushga olib keladi, deb qo‘rqaman», - deya aytib o‘tgan Erdo‘g‘an xristianlik va islom dinini nazarda tutib. U Istanbuldagi chiqishi davomida shunday bayonot berdi.

Eslatib o‘tamiz, avvalroq Nyu-Yorkda imomni o‘ldirgan shaxs umrbod qamalgandi.