Ilhom Aliyev JCh-2018 ochilish marosimiga boradi

Foto: Global Look Press

Ozarboyjon prezidenti Ilhom Aliyev JCh-2018ning Moskvada bo‘lib o‘tadigan ochilish marosimi, shuningdek, birinchi uchrashuviga tashrif buyuradi. Bu haqda «RIA Novosti» xabar qilmoqda.

«Ha, davlat rahbari ochilish marosimida ishtirok etadi», - deya ma'lum qilgan nashr suhbatdoshi.

Jahon chempionatining ochilish marosimi Moskvadagi «Lujniki» stadionida 14 iyun kuni bo‘lib o‘tadi. Shundan so‘ng musobaqaning ilk uchrashuvi o‘tkaziladi, unda Rossiya va Saudiya Arabistoni terma jamoalari o‘zaro kuch sinashadi.

Eslatib o‘tamiz, avvalroq Putin JCh-2018 ishtirokchilari va ishqibozlarga murojaat bilan chiqqandi.