Farğonada xalq dardini kimdur eşitadimi? Dehqonning yeri tortib olinmoqda 

Qozoğistonda işlaş joniga tekkan yuqorida nomi keltirilgan fuqarolar öz yurtida dehqonçilik faoliyati yuritişni rejalaştiradi. Yerni parvarişlab ekin ekişni boşlaydi. Qarovsiz va axlatga tölib yotgan yer obod ekinzorga aylantiriladi. 
Lekin tuman prokurori çiqarilgan 538 sonli qarorga yana protest bildiradi. Bu safar asos qilib quyidagilarni keltiradi:

1)  Dehqon xöjaligi töğrisidagi qonunning 5 moddasi talablari buzilgan Ajratilgan yer tuman zaxirasida emas;
2)  U yerda zovurlar va içimlik suvi minorasi bölganligi sababli muhofaza hududdan qolgan jami yer maydoni 0,71 gektar (0,80gektar emas). Mavjud obektlarni muhofaza hududi hisobga olinmagan. Notöğri taqsimlangan;
3)   Hududda quriliş işlari amalga oşirilmoqda;
4)  Dehqon xöjaligi taşkil etiş hamda boşqa yer ajratilişi bilan boğliq ba'zi harakatlar fuqaro Z.Esonov tomonidan amalga oşirilgan (yer egalari bilan yaqin qarindoşlik aloqasi bölmasa ham);
5)  Fuqaro X.Mehmonov 28.03.2018 yilda Qozoğiston Respublikasida işlayotgan vaqtda unga yer ajratilgan;
6)  B.Usuvaliyev dehqon xöjaligiga yer ajratib berilişida hujjatlarni rasmiylaştiriş harakatlarini amalga oşirişi uçun Z.Esonovga 1 million söm bergan. Bu öz navbatida dehqon xöjaligi uçun ajratilgan yer haqiqiy egasiga berilmayotgani va yer ajratilişida taniş-bilişçilikka yöl qöyilayotganligidan dalolat beradi.

Şundan söng hokim M.Dehqonov yana protestni qanoatlantirmoqda. Yerni PQ-2639 sonli 2017-2021 yillarda qişloq joylarda yangilangan namunaviy loyihalar böyiça arzon uy-joylar quriş dasturi ijrosini ta'minlaş uçun olib qöymoqda.

Bu voqealardan söng bizda savollar paydo böldi. Nega xokim birinçi marta protestni qanoatlantirganidan söng yerni tuman zaxirasiga olmagan? Yer berilayotgan vaqtda nega hujjatlar töliq örganilmagan? Nima uçun prokuror protestidan söng yer yana namunali uy-joy quriş uçun yönaltirilmoqda? Hujjatlarni qayta rasmiylaştirib dehqonlarning nomiga ötkazilsa bölar ediku.

Prokuror protestining ham ba'zi qismlariga e'tirozlarimiz mavjud. Şunça yil qarovsiz yotgan yerda nega dabdurustdan quriliş olib borilmoqda deb xulosa berildi. Nega joyiga borib tekşirilmadi? Yoki bu yer biror bir “kattakon”ga kerakmi? Nahot prokuror fuqarolar hujjatlarni rasmiylaştirişda işonçnoma asosida boşqa şaxsning yordamidan foydalanişi mumkinligini bilmasa? B.Usuvaliyev dehqon xöjaligiga yer ajratib berilişida hujjatlarni rasmiylaştiriş harakatlarini amalga oşirişi uçun Z.Esonovga 1 million söm bergan degan vaji suriştiruvda tasdiğini topmadi. Nega oddiy dehqon faoliyatiga tösqinlik şu darajada qattiq olib borilmoqda?

Şu savollarga javob oliş maqsadida mazkur davlat taşkilotlariga taşrif buyurdik. Majlisni bahona qilib tuman hokimi M.Dehqonov tuşuntiriş bermasdan qoçib ketdi. (Yaxşiyam hokimlarning majlis bahonasi tayyor. Xoh çoyxonada bölsin, xoh boşqa joyda.) “Yer ajratiş komissiyasiga boring”, deb ketdi. “Qölni siz qöygansiz-ku, janob xokim” deydigan odamning özi yöq. Komissiya rahbarini topa olmadik. Taşkilot yuristini ham topişning imkoni bölmadi.

Protest masalasidagi e'tirozlarimizga tuşuntiriş oliş uçun tuman prokuraturasiga bordik. Taşkilot yopiq. Prokuror boşqa işga ötib ketgan. Vaqtinça vazifasini bajaruvçi şaxs “Meni yöq deb aytvoringlar”, dedimi u ham yöq. Yoki uning ham majlisi bor bölsa kerak. Hatto içkariga kirgizişmadi ham. Ostonadan qaytarişdi. Hamma mehmondöst deydigan Farğonaning obrösi ular tomonidan tuşirilişda davom etmoqda. Xullas u yerdan ham biror tuşuntiriş ololmadik.

Joriy yilning 12 iyun kuni Farğona viloyatining Oltiariq tumani hokimligida prezident Şavkat Mirziyoyev raisligida bölib ötgan videoselektor yiğilişi vaqtida viloyat qattiq tanqid qilingani esingizda bölsa kerak. Majlisda prezident tomonidan Farğona viloyati boşqa viloyatlarga nisbatan ança orqada qolganligi, vaziyat tubdan özgarişi kerakligi va rahbarlar yangiça fikrlaşi zarurligi tuşuntirilgan edi. Xalq dardi hammasidan ustun bölgan bir paytda Uçköprik tumanida bölayotgan bunday tuşunarsiz holatlar mutasaddi taşkilotlar tomonidan albatta bartaraf etilişi lozim. Davlat taşkilotlari xalqqa xizmat qilişi kerak. Tadbirkorlar davlat himoyasida ekanligini unutmasligi darkor.

Zafarbek Solijonov