«Manchester Yunayted» «Shaxtyor»ning braziliyalik yarim himoyachisi Fred transferini yakunladi.
Klublar ushbu braziliyalik futbolchi transferi haqida 5 iyun kuni e'lon qilishgandi, bugun «MYu» futbolchi bilan keyinroq uzaytirish sharti nazarda tutilgan 5 yillik shartnoma imzolagan.
Klublar kelishuv shartlarini oshkor qilishmayapti, ammo OAVda «MYu» ushbu 25 yoshli xavbek uchun 60 million yevro to‘lashi aytilgandi.
Fred Braziliya terma jamoasining JCh-2018 doirasidagi birinchi o‘yinini jarohat tufayli o‘tkazib yuborgandi, ammo u Kosta-Rikaga qarshi ikkinchi o‘yinda maydonga tushishi mumkin.
