Saudiya Arabistonining taxminicha, neft qazib olishni qisqartirish bo‘yicha kelishuv (OPeK+) davlatlari qazib olish hajmini kuniga 600-800 ming barrelga oshiradi. Bu haqda Financial Times gazetasi OPeKdagi manbaga asosan xabar bermoqda.
Nashr ma'lumotlariga ko‘ra, Saudiya Arabistoni neft qazib olishning ehtimoliy bunday hajmi OPeK+ mamlakatlari o‘rtasida proporsional ravishda taqsimlanishini xohlaydi. Bu davlatlar ishlab chiqarishni oshirish quvvatiga ega bo‘lishi lozim. Ta'kidlanishicha, Ar-Riyodning taklifi hozirgi paytda oxirigacha rasmiylashtirilmagan. Manbaning xabar berishicha, u Saudiya Arabistoni vakillarining Rossiya va OPeK a'zosi bo‘lgan mamlakatlar amaldorlari bilan uchrashuvida muhokama qilinadi.
Eslatib o‘tamiz, avvalroq Saudiya Arabistoni va Rossiya OPeK+’da hamkorlikni kuchaytirayotgani xabar berilgandi.
