«Tayoq uslubi». Xitoy AQShni ogohlantirdi

Xitoy Xalq Respublikasi Tijorat vazirligi vakili Gao Fenning ma'lum qilishicha, AQShning Xitoy bilan muzokaralarda «tayoq uslubidan» foydalanishi hech qanday natija keltirmaydi. Bu haqda RIA «Novosti» xabar bermoqda.

«Amerika tomoni tayoq uslubiga ko‘nikib qolgan, biroq u Xitoy bilan hech qanday ish bermaydi, bunday irratsional xatti-harakat bilan muammoga yechim topish dargumon narsadir», - deya aytib o‘tgan Gao Fen.

Shuningdek, uning qo‘shimcha qilishicha, Xitoy tomoni AQSh bilan o‘tkazilgan maslahatlashuvlar yakunini konstruktiv va ijobiy, deb hisoblaydi. Biroq, uning so‘zlariga ko‘ra, AQSh o‘z pozitsiyasiga qarshi ish qilayotgani va yana savdo urushini avj oldirayotgani chuqur afsusga sabab bo‘lmoqda.

Eslatib o‘tamiz, avvalroq Xitoy AQSh fermerlariga ziyon yetkazishga va'da bergandi.