Venesuelada minimal ish haqi 1,85 dollargacha oshirildi

Venesuela prezidenti Nikolas Maduro mamlakatdagi eng kam oylik ish haqi miqdorini 3 mln bolivarga oshirdi. Minimal oziq-ovqat savatchasi xaridiga qo‘shimcha to‘lovlar hisobga olinsa, u 5,2 mln bolivarni tashkil etadi, bu 1,85 dollarga teng. Bu haqda AVN milliy axborot agentligi xabar qilmoqda.

«Bugungi kundan boshlab ishchilar 5 mln 196 ming bolivar miqdorida minimal daromadga ega bo‘ladi. Umumiy o‘sish - 103 foizga», - deya ma'lum qildi Maduro.

Venesuela rahbari so‘nggi bor mamlakatdagi oylik ish haqini aprelda oshirgandi, biroq uning o‘sishi giperinflyatsiya tufayli xarid qilish qobiliyatiga ta'sir ko‘rsatmadi. Mamlakatda faqatgina may oyining o‘zida inflyatsiya yillik hisob-kitobda 24500 foizdan oshib ketdi.

Eslatib o‘tamiz, avvalroq Maduro Kolumbiyani fitnada ayblagandi.