Kanadaning Britaniya Kolumbiyasi provinsiyasi oliy sudi 24 ayol bilan nikoh qurgan Uinston Blekmorga ko‘pxotinlik uchun jazo hukmini chiqardi. Bu haqda The Globe and Mail nashri ma'lum qildi.
Yana bir ayblanuvchi, 5 ayol bilan nikoh qurgan Jyeyms Oler ham aybdor deb topilgan.
Sud qaroriga ko‘ra, Blekmor 6 oylik, Oler 3 oylik uy qamog‘iga mahkum qilingan. Bundan tashqari, erkaklar mos ravishda 150 va 75 soatlik jamoat ishlariga jalb qilinadilar.
Blekmor birinchi nikohini 1975 yilda qurgan. 61 yoshli erkakning 4 rafiqasi nikoh qurilgan vaqtda 15 yoshda bo‘lgan. Erkak barcha rafiqalaridan 149 farzand ko‘rgan.
Blekmor va Oler Kanadada 100 yildan ko‘proq vaqt ichida ko‘pxotinlik uchun sudlangan ilk fuqarolar bo‘ldilar.
Ikki erkak ham mormonlarning fundamental cherkovi a'zolari bo‘lgan. Bu tashkilot ko‘pxotinlikdan 19-asr oxiridayoq voz kechgan bo‘lsa-da, mormon-fundamentalchilar orasida hanuzgacha ko‘pxotinlik mavjud.
