Bugun, 1 iyul kuni jahon chempionati nimchorak final uchrashuvlari davom ettiriladi. Dastlabki o‘yin mezbon Rossiya termasi hamda mundial favoritlaridan biri sifatida e'tirof etilayotgan Ispaniya terma jamoasi o‘rtasida kechadi. Bellashuv Toshkent vaqti bilan soat 19:00da boshlanadi. Uchrashuvni niderlandiyalik Byorn Kuypers boshchiligidagi hakamlar brigadasi boshqaradi.
Cherchesov Hiddink bilan nimani muhokama qildi?
Rossiya termasi muxlislarini xursand qiluvchi bir fakt bor. Shu vaqtgacha Ispaniya termasi jahon chempionatlarida ham, Yevropa chempionatlarida ham mezbon jamoani yenga olmagan. Biron marta ham.
Ispanlar Rossiyada bu mistik seriyaga barham berishadimi? Qayd etish kerakki, «qizil furiya» 2002 yilda Guus Hiddink boshqaruvidagi Janubiy Koreyaga ham (chorak finalda, penaltilar seriyasida) yutqazgandi.
Rossiya termasi tarixidagi eng yaxshi natijani qayd etgan Guus Hiddink shu kunlarda Stanislav Cherchesov taklifiga ko‘ra unikida mehmon bo‘ldi. Uning tashrifi OAVda keng yoritildi. Ular uzoq vaqt davomida nimani muhokama qilishgani noma'lum bo‘lib qolmoqda. Hiddink kameralar qarshisida uzoq vaqt bo‘lmadi va jo‘nab ketdi.
Qayd etish joizki, Hiddinkning Koreyasiga 16 yil muqaddam misrlik hakam Jamol Gandur yordam berib yuborgandi. U pireneyaliklarning 2 golini hisobga olmagandi. Lekin o‘shanda koreyslarning o‘zi ham matonat ko‘rsatgan, qolaversa, ular nimchorak finalda Italiyaga qarshi o‘yindan keyin raqibga qaraganda ikki kun kam dam olishgandi.
Keyinchalik Ispaniyaning o‘sha tarkibida bo‘lgan futbolchilar bu natija haqida shunday eslashdi. Iker Kasilyas: «Biz o‘zimiz ega bo‘lgan imkoniyatlardan foydalanishimiz kerak edi». Gaiska Mendeta: «Men bizdan g‘alabani o‘g‘irlashdi, degan fikrdan yiroqman. Yaxshisi, Morentes yoki boshqa hujumchilar gol urolmagan vaziyatlarni eslaylik. Menimcha, bu o‘yindagi hakamlik darajasi jahon chempionati darajasida bo‘ldi. Ha, biz ikki gol urdik, ammo ikkisini ham ofsayddan».
Ko‘ramiz, bugungi o‘yinda hakamlik qanday bo‘ladi?
Rossiyaga Lopetegi mojarosi yordam beradimi?
Ko‘pchilik e'tibor bermasligi mumkin, lekin Ispaniya guruh bosqichida 3 o‘yinda (ikki durang va bir g‘alaba) 5ta gol o‘tkazdi - Rossiya o‘z uyida Marokash va Eronchalik bo‘la olmaydi. Buni esa JCh-2018 boshlanishiga bir kun qolganida ispanlarda bosh murabbiy Xulen Lopetegi ishdan ketishiga ham bog‘lash mumkin, uning ketishi jamoa o‘yiniga ma'lum darajada ta'sir ko‘rsatgan.
Florentino Peres Lopetegi bilan shartnoma jahon chempionatidan keyin emas, oldin e'lon qilinishini istadi. Holbuki, federatsiya murabbiyning qarorini bilganidan keyin bir necha hafta sabr qilishni so‘ragandi.
Murabbiy iste'foga chiqarib yuborilib, uning o‘rniga vaqtinchalikka Fernando Yyerro olib kelinganidan keyin, ko‘pchilik Lopetegini tanqid qilishga kirishib ketdi. Ispaniya termasi sardori Serxio Ramos esa «Real»ning yangi bosh murabbiyini himoya qilib chiqdi va murabbiyning iste'foga chiqarilishini qoraladi. U yolg‘iz emasdi. «Barselona» futbolchilari esa bu holatdan shokka tushishgandi, ular terma jamoa murabbiyidan buni kutishmagandi. Lopetegi jamoani ikkiga bo‘lib yubordi.
Uning o‘rniga kelgan boshqa bir sobiq futbolchi («Real»ning sobiq futbolchisi) Fernando Yyerro shu vaqtga qadar terma jamoa tugul, Primera klublarida ham ishlamagandi. U futbolchilik vaqtida zo‘r sardor edi, ammo sardor edi. U vaziyat toqazo etgani uchungina murabbiylikka rozi bo‘ldi.
Rossiyaga osonroq raqib tushishi ham mumkin edi, oxirgi turning oxirgi daqiqalarida Eron yana bitta gol urganida Rossiyaga eronliklar raqib bo‘lardi, agar o‘sha o‘yinda eronliklar o‘yin oxirida hisobni tenglashtirishmaganida Ispaniya emas, Portugaliya guruhdan birinchi o‘rin bilan chiqib, ruslarga ro‘baru kelardi.
Rossiya turnir arafasida jarohatlar tufayli ko‘p yo‘qotishlarga uchradi, natijada Jikiya va Vasin o‘rniga Ignashevich tarkibga qaytarildi.
Ispaniya bilan o‘yinda Cherchesov shogirdlari Urugvay bilan o‘yindagi xatolarni takrorlamasliklari kerak. Bunday darajadagi terma jamoalar xatolarni joyida jazolaydilar.
Raqib haqida so‘z yo‘q
Dzyuba o‘yinga ikki kun qolganida intervyu berdi.
«Biz maydonda o‘lishga tayyor bo‘lib o‘ynashimiz kerak. 200-300 foiz kuch bilan harakat qilishimiz kerak. O‘shandagina imkoniyatlar bo‘lishi mumkin. Biz shu orzu bilan yashamoqdamiz, biz bu orzuga yetishishga munosibmiz. Natija ko‘rsatib, barchani hayratlantirishni juda ham istayapmiz!»
«Biz qilgan ishni takrorlash qiyin. Rossiyadagi jahon chempionati! Bu qirq kun bir kundek. Butun stadion jo‘r bo‘lib madhiyani kuylayotganida badanimiz jimirlaydi. Buning uchun sportchi bo‘lganingdan xursand bo‘lasan»
«Biz turnirdagi ishtirokimizni tugatmoqchi emasmiz. Biz ko‘prog‘ini istaymiz»
Artyom Dzyuba faqat hissiyot bilan gapirgan.
Ammo u raqibni qanday yengish mumkinligi haqida gapirmagan. Boshqalar ham hech narsa demayapti. Ular faqat pozitiv bilan yengishmoqchi.
Rossiya o‘z tarixida hech qachon jahon chempionatida pley-offda g‘olib bo‘lmagan. Rossiyaning xalqaro turnirlardagi eng yaxshi natijasi 2008 yili Yevropa chempionatida ro‘y bergandi, o‘shanda, 26 iyun kuni Niderlandiya ustidan chorak finalda qo‘lga kiritilgan tarixiy g‘alabadan keyin Hiddink jamoasini yarim finalda Ispaniya to‘xtatgandi.
SSSR terma jamoasi esa jahon chempionatlari va Yevropa chempionatlarida ikkinchi oyga 4 marta o‘ynagan. Yevropa chempionati doirasida 1960 yilning 6 iyulida va 10 iyulida o‘tkazilgan yarim final va final uchrashuvlarida g‘alaba qozongandi.
1 iyul kuni ham ruslar bir marta o‘ynagan. 1982 yili JCh doirasida Belgiyaga qarshi. O‘sha o‘yinda ham SSSR 1:0 hisobida zafar quchishgan.
Ruslar o‘z tarixida Ispaniyani xalqaro turnirda bir marta mag‘lub etishgan, bu 1972 yilgi Yevropa chempionatiga to‘g‘ri keladi.
Ispaniya esa o‘z tarixida biron marta ham xalqaro turnirda mezbon jamoani mag‘lub eta olmagan.
Ispaniya - Rossiya
1 iyul. Moskva. «Lujniki» stadioni. 19.00 (Rossiya 1).
Hakamlar: KAYPeRS, van Rukel, Zaynstra (barchasi - Gollandiya).
Diskvalifikatsiya qilinganlar: yo‘q - Smolnikov.
