Modrich Ronalduni yana yengdi, Saloh va Neymarsiz ramziy terma jamoa. FIFA eng yaxshilarni taqdirladi

2018 yilgi jahon chempionatida Kurtua Belgiya terma jamoasi bilan bronza medallarini qo‘lga kiritgan edi.

Peru terma jamoasi  muxlislari FIFA talqiniga ko‘ra eng yaxshi muxlislar deb topildi. 

Ushbu sovrin uchun so‘rovnomada perulik muxlislar Yaponiya hamda Senegal terma jamoalari muxlislari, shuningdek, Chilining "Deportes Puerto-Mont" klubi muxlisi Sebastyan Karrerani ortda qoldirdi. 

FIFAning 2018 yilgi ramziy terma jamoasidan quyidagi futbolchilar o‘rin oldi: 

darvozabon: David de Xea (Ispaniya, «Manchester Yunayted);

himoyachilar: Dani Alves (Braziliya, «PSJ»), Rafael Varan (Fransiya, «Real»), Serxio Ramos (Ispaniya, «Real»), Marselo (Braziliya, «Real»);

yarim himoyachilar: Luka Modrich (Xorvatiya, «Real»), N'Golo Kante (Fransiya, «Chelsi»), Eden Azar (Belgiya, «Chelsi»).

hujumchilar: Krishtianu Ronaldu (Portugaliya, «Real» / «Yuventus»), Lionel Messi (Argentina, «Barselona»), Kilian Mbappe (Fransiya, «PSJ»).

"Orlandu Prayd" hamda Braziliya terma jamoasi futbolchisi Marta yilning eng yaxshi ayol futbolchisi deb topildi. Braziliyalik futbolchi ushbu sovrinni o‘z faoliyatida oltinchi marotaba (2006, 2007, 2008, 2009, 2010) qo‘lga kiritdi. 

Martadan tashqari yilning eng yaxshi ayol futbolchisi sovrini uchun kurashda Ada Xegerberg ("Lion") hamda Jyennifer Marojan ("Lion") ishtirok etishgandi.

"Real Madrid" hamda Xorvatiya terma jamoasi futbolchisi Luka Modrich esa yilning eng yaxshi o‘yinchisi deb topildi. 

Xorvatiya terma jamoasi sardori ushbu sovrin uchun so‘rovnomada Krishtianu Ronaldu hamda Muhammad Salohni ortda qoldirdi. 

Futbolchi o‘tgan mavsumda "Real" bilan Chempionlar Ligasida g‘oliblikni qo‘lga kiritdi, Xorvatiya terma jamoasi bilan esa, JCh-2018 musobaqasining kumush medalini qo‘lga kiritdi.