Xitoy dunyodagi eng katta raketani qurmoqchi

Xitoy 2030 yilgacha Long March-9 raketa-tashuvchisini qurmoqchi. Raketaning o‘lchamlari esa uni tarixdagi eng katta raketaga aylantiradi, deb yozmoqda Daily Mail nashri. 

Ma'lumotlarga ko‘ra, ushbu raketa Yer atrofidagi orbitaga 130–140 tonna foydali yuk olib chiqa oladi. Bu esa uning eng yaqin raqobatchisi, yuk ko‘tarishi 64 tonnani tashkil qiluvchi Falcon Heavy’nikidan ancha ko‘proqni tashkil qiladi.

Raketaning aniq o‘lchamlari hozircha noma'lum, biroq ma'lum qilinishicha, uning diametri 10 metrgachani tashkil qilishi mumkin. Raketa har birining diametri 5 metrgacha keladigan 4 ta dvigatel bilan jihozlanadi. 

Raketaning konstruksiyasi va dasturiy ta'minotini ishlab chiqish bilan Xitoy koinot texnologiyalari akademiyasi shug‘ullanmoqda.