Yerevan meri iste'foga chiqdi

Yerevan meri, sobiq o‘ng respublikachilar partiyasi a'zosi Taron Margaryan dushanba, 9 iyul kuni iste'foga chiqdi, deb xabar berdi Sputnik Armaniston o‘z manbasiga tayanib.

Nashrning ma'lumot berishicha, mer vazifasini vaqtincha uning birinchi o‘rinbosari Kamo Areyan bajaradi. Meriya matbuot xizmati hozircha bu xabarni rasman tasdiqlamadi.

Avvalroq Yerevanda Margaryan iste'fosini talab qilib namoyishlar o‘tkazilgandi. Namoyishchilar uning boshqaruvi samarasiz ekanligini bildirishgandi. Bundan tashqari, internetda Margaryanning yirik mablag‘i va mulki borligi haqidagi film joylashtirilgandi.

Taron Margaryan — Armaniston respublikachilar partiyasi asoschilaridan biri, Armaniston sobiq bosh vaziri Andranik Margaryanning o‘g‘li. U 2011 yildan buyon mer sifatida faoliyat ko‘rsatib kelayotgandi.