BAAda sayyohlarga qo‘shilgan qiymatga soliq qaytarib beriladi

BAA vazirlar mahkamasi sayyohlarga qo‘shilgan qiymatga soliqni qaytarish tizimini joriy qilish qarorini qabul qildi. Bu haqda Gulf News nashri ma'lum qildi. 

Nashrning ma'lum qilishicha, tizim 2018 yilning 4-choragidan amal qila boshlaydi. Bunday choralar BAAning sayyohlik tarmog‘ini rivojlantirishga ijobiy ta'sir ko‘rsatadi.

Sayyohlar tax free dasturida ishtirok etuvchi do‘konlarda sotib olingan tovarlar uchun qo‘shilgan qiymatga soliqni qaytib olishlari mumkin bo‘ladi.

Ma'lum qilinishicha, 2017 yilda sayyohlik tarmog‘i BAA yalpi ichki mahsulotining 11,3 foizini, ya'ni 154,1 mlrd dirhamni (42 mlrd dollar) tashkil qilgan.

2018 yil 1 yanvarda BAA hukumati qo‘shilgan qiymatga 5 foizlik soliq kiritgandi.