Yevropa va AQShda Instagram ishida uzilish ro‘y berdi

Juma kuni kechqurun AQSh va Yevropaning ayrim davlatlarida Instagram ijtimoiy tarmog‘ining ishlashida ommaviy uzilishlar ro‘y bermoqda. Buni mashhur internet resurslar ishidagi uzilishlar va o‘chirishlarni kuzatib boruvchi Downdetector sayti ma'lum qilmoqda.

Ijtimoiy tarmoq ishidagi uzilish Toshkent vaqti bilan soat 23:00 da ro‘y bergan. Sayt ma'lumotlariga ko‘ra, shikoyatlarning 54 foizi yangiliklar lentasini yangilash imkoni yo‘qligi, yana 23 foizi ijtimoiy tarmoqning veb versiyasi bilan bog‘liq muammolar bilan bog‘liq bo‘lsa, 22 foiz foydalanuvchilar o‘z akkaunti bilan ijtimoiy tarmoqqa kira olishmayotganini ma'lum qilishgan.