Instagram «Buyuk tozalash»ni o‘tkazdi: millionlab soxta obunachilar o‘chirildi

Meta kompaniyasiga tegishli Instagram ijtimoiy tarmog‘i so‘nggi yillardagi eng keng ko‘lamli tozalashlardan birini boshladi. 6 may kunidan boshlab platforma botlar, nofaol va spam akkauntlarni ommaviy ravishda o‘chirishni boshladi, bu esa butun dunyo bo‘ylab millionlab foydalanuvchilar obunachilari sonining keskin kamayishiga olib keldi.

Nima bo‘ldi?

6-7 may kunlari Instagram bir necha soat ichida millionlab «o‘lik jonlar»ni o‘chirib tashladi. Oddiy blogerlar va brendlar ham, jahon mashhurlari ham jabr ko‘rdi. Foydalanuvchilar sodir bo‘layotgan voqealarni «Great Purge of 2026» (Buyuk tozalash) deb atamoqda.

Yulduzlarning yo‘qotishlari (8 may holatiga ko‘ra):

- Kayli Jyenner – 14-15 million obunachini yo‘qotdi;

- Krishtiano Ronaldu - yo‘qotishlar 7-8 milliondan 18 milliongacha baholanmoqda (hozircha eng ko‘p obunachiga ega - taxminan 666 million);

- Blackpink (rasmiy akkaunt) - taxminan 10 million;

Shuningdek, Selena Gomes, Ariana Grande, Lionel Messi va boshqalarning yo‘qotishlari ham sezilarli darajada ko‘p.

Oddiy akkauntlar o‘rtacha 2-5 foiz auditoriyani yo‘qotdi, ammo faol ravishda «nakrutka» qilganlarning yo‘qotishlari ancha ko‘p bo‘lishi mumkin.

Meta nima uchun bunday qilmoqda?

Instagram ushbu «tozalash»ni platformaning haqiqiyligini oshirish istagi bilan izohlaydi:

- Reklama beruvchilar uchun statistika aniqligini oshirish;

- Algoritmlarni haqiqiy kontentga nisbatan adolatliroq qilish;

- Bot-fermalar va sun’iy «nakrutka»lardan xalos bo‘lish.

Bu birinchi shunday aksiya emas, ammo ko‘lami bo‘yicha Instagram tarixidagi eng yiriklaridan biridir. «Tozalash» ishlari davom etmoqda - yaqin kunlarda raqamlarda yana o‘zgarishlar kuzatilishi mumkin.