O‘zbekiston importi eksportdan ko‘p

O‘zbekistonning 2018 yil yanvar - iyun oylari uchun tashqi savdo aylanmasi 17,7 milliard AQSh dollariga teng bo‘ldi. Shu jumladan – eksport 7,8 milliard dollar, import – 9,9 milliard dollarni tashkil qildi. Tashqi savdo saldosi minus 2,1 milliard dollarga teng, deb xabar bermoqda O‘zbekiston Respubligasi Davlat statistika qo‘mitasi.

O‘tgan yilning shu davriga nisbatan energotashuvchi va neft mahsulotlari eksporti 78,5%ga oshgan. Shundan, tabiiy gaz eksporti 1,9 barobar, ximiya sanoati mahsulotlari 5,3%ga, plastmassa va undan ishlangan mahsulotlar eksporti 18,7%ga ko‘paygan.

Oziq-ovqat mahsulotlarining eksporti meva-sabzavotlar yetkazib berishning 73,4%ga ko‘payishi hisobiga 58,9 %ga oshgan.

Importning asosiy tarkibini mashina va uskunalar 33,8%, ximiya sanoati mahsulotlari 11,5 % tashkil qiladi.