Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
АҚШда катта Жорж Бушнинг кардиологи отиб ўлдирилди
13:08 / 21.07.2018
8234
Фото: DAVID J. PHILLIP/Associated Press

АҚШнинг Техас штати Ҳьюстон шаҳрида номаълум шахс собиқ президент катта Жорж Бушнинг кардиологини отиб ўлдирди. Бу ҳақда KHOU11 хабар бермоқда.

Ҳодиса Техас тиббиёт марказига яқин жойда юз берган. Қурбон ва қотил бир-бирига қараб велосипедда ҳаракатланган. Улар тенглашиб олганида, ҳужум қилган шахс икки марта ўқ узди. Шифокор Марк Хауснехт олинган жароҳатлар сабаб ҳаётдан кўз юмди.

Қотил қидирувга берилди, у оқ танли ёки лотин америкалик 30 ёшлардаги эркак бўлиб, қуёшдан ҳимоя қилувчи кўзойнаклар ва бейсбол кепкасида бўлган. 

Собиқ президент вакиллари ҳалок бўлган шифокорнинг оиласи, ҳамкасблари ва дўстларига таъзия билдиришди.


Улашинг
Top