NATO kemalari Odessa portiga kirdi

Odessa portiga NATOga a'zo davlatlar kemalarining guruhi yetib keldi. Bu haqda Ukraina harbiy-dengiz kuchlarining feysbukdagi sahifasida xabar qilinadi.

«Odessa portiga NATOning SNMG-2 Muntazam harbiy-dengiz guruhi va SNMCMG-2 Minalarga qarshi muntazam harbiy-dengiz guruhi kemalari tashrif bilan kirdi», - deyiladi xabarda.

Ukraina harbiy-dengiz kuchlari ma'lumotiga ko‘ra, portda Niderlandiya, Turkiya va Ruminiya harbiy-dengiz kuchlarining fregatlari bor. Bundan tashqari, guruh tarkibiga Turkiya va Ruminiyadan bitta minali tralchi (tral bilan jihozlangan harbiy kema), shuningdek, Germaniyadan ta'minot kemasi kiradi.